Sognarådet har tildelt Vestlandsforsking oppdraget med å gjennomføre ein tolegrense- og moglegheitsstudie for Sognefjorden, i samarbeid med Visit Sognefjord. Målet med studien er å skaffe eit betre grunnlag for å handtere veksten i turismen på ein berekraftig måte. Gjennomføring av ei god tolegrenseanalyse- og moglegheitsstudie krev god kompetanse på fleire fagområde. Vestlandsforsking har inngått eit samarbeid med Norsk institutt for naturforsking (NINA) og rådgjevingsselskapet SPOR som har god kompetanse innan besøksforvaltning og slitasje på turstiar.