Trolltunga, Preikestolen og Kjerag trekkjer fleire hundre tusen menneske til fjells. Det skapar nye utfordringar for både lokal og nasjonal redningsteneste, men også for lokalsamfunna. Lokalsamfunna har behov for å få betring styring på turiststraumen for å stimulere til eit berekraftig reiseliv.

Vestlandsforsking er hyrt inn av Odda kommune for å analysere årsakene til redningsaksjonane, og i samarbeid med dei lokale aktørane utvikle strategiar og tiltak for at tryggleiken på desse turistmåla skal bli betre. Forskinga har fått kvalifiseringsstøtte frå RFF Vestlandet og skjer i nært samarbeid med lokale redningsaktørar og destinasjonsselskap