Reiselivsnæringa i Sogn og Fjordane omfattar eit stort tal verksemder med tildels svært ulike føresetnader. Eitt hovedproblem er knytt til informasjon om og rask oppfølging av ledig kapasitet i lokale overnattingsverksemder. Manglande informasjon om ledig kapasitet fører til eit tap i antal overnattingar for lokale verksemder og mykje ekstra-arbeid for det lokale støtteapparatet.  Målet med prosjektet er å lage eit verktøy som gir det lokale støtteapparatet og bedriftene tilgang til korrekt produktinformasjon, tilgang til løpande produksjonsdata for stykksalg (booking) og koplingar mot andre IT-baserte info-kjelder for næringslivet i Sogn og Fjordane.