Matej Bel University ligg i Banská Bystrica midt i Slovakia og har 4000 studentar fordelt på seks fakultet. Forskarane sin tur til Sogndal var ein del av eit opphald ved Universitetet for miljø og biovitenskap på Ås, der Matej Bel University har eit samarbeid med m.a. professor Anders Lunnan og PhD-student Anne Prestvik. I tillegg til Stanislav Kološta, Filip Flaška, Katarína Sýkorová, Soňa Čapková og Dana Švihlová, var to doktorgradsstudentar med til Vestlandsforsking.

I tillegg til Agnes Landstad møtte slovakarane Eli Heiberg, Otto Andersen, Ingjerd Skogseid og Idun A. Husabø for å høyre om Vestlandsforsking sitt arbeid på felta regional utvikling og IT, klimatilpassing og biodrivstoff. Instituttet forskarane representerte arbeider særleg med regional utvikling, økonomi og miljø. Mange av forskingsfelta deira overlappar med det Vestlandsforsking gjer, og framtidig samarbeid kan bli aktuelt.