Det første notatet nyttar Rørosmat som case for ein analyse av regionaløkonomiske effektar av ei satsing på lokal mat. I tillegg inneheld det ein grundig gjennomgang av regionaløkonomisk teori.

Det andre notatet dreg opp dei historiske linjene til det som i dag er Rørosmat AS, og gjer greie for vilkår i lokalsamfunnet som har spelt ei avgjerande rolle for utviklinga av satsinga.

Notata er ein del av forskingsprosjektet Sustainable Destination Norway 2025. Her spelar mat ei viktig rolle, og Røros har vore nytta som studieområde for fleire delprosjekt.

Studiane byggjer på ein tanke om at matproduksjon spelar ei sentral rolle både innan lokal verdiskaping og for å skape berekraftige lokalsamfunn. Ved å ta i bruk lokalprodusert mat, kan reiselivet både styrke den lokale matprofilen sin og bidra til økonomisk vekst i andre sektorar lokalt. Kort frakt av mat gir dessutan mindre klimautslepp, og slik kan reiselivet stå fram som ei føregangsnæring når det gjeld berekraftig utvikling.