BILAT-programmet gir støtte til utvikling av langsiktig bilateralt forskingssamarbeid mellom forskingsmiljø i Norge og tilsvarande miljø i Japan, Kina, Russland, USA og Canada. For Vestlandsforsking er det konkrete målet er å få etablert eit nytt langsiktig prosjekt innan grøn elektronikk saman med produksjons- og forskingspartnerar i Kina og Noreg. I utviklinga av nye prosjekt vil Vestlandsforsking ta utgangspunkt i eksisterande nettverk frå EU-prosjektet EC-GEPRO, der Vestlandsforsking er koordinator. I mars reiser Otto Andersen og Idun Husabø Anderssen til Shanghai for å knyte nye band til kinesiske forskarmiljø.

Farleg avfall

Bakgrunnen for fokuset på grøn (eller miljøvenleg) elektronikk er at Kina både er eit viktig produsentland og åstad for dumping av miljøfarleg elektronisk avfall. I tillegg er Kina i ferd med å innføre strengare standardar for kva stoff som kan brukast i elektroniske produkt. Vestlandsforsking si rolle i dette har så langt vore knytt til å skape større kontakt mellom ekspertmiljøa i Kina og Europa.