Forskingskoordinator Stefan Gössling ved Forskingssenter for geoturisme og berekraftig reiseliv, Sogndal, har fått professortittel.  Gössling arbeider innanfor turisme og klimaendringar, berekraftig luftfart, atferds- og perspeksjonsstudiar.

Lund Universitetet, der Gössling også har tilknytning, har gitt professortittelen. Professortittel blir tildelt etter vurdering av ein kommisjon og føreset omfattande vitskapleg arbeid og publisering.

Gössling har BSc i biologi og MSc i geografi frå Westfälische Wilhelms-Universität, Münster (Tyskland). Han har doktorgrad i humanøkologi frå Lund Universitet, Sverige, frå 2001. Seinare har Gössling vore postdoc-stipendiat ved Institutt for kulturgeografi ved Universitetet i Freiburg og vore førsteamanuensis i humanøkologi og kulturgeografi ved Universitetet i Lund. Gössling har frå opninga i 2007 vore forskingskoordinator ved Forskingssenter for berekraftig reiseliv og geoturisme i Sogndal.

Gössling har arbeidd med berekraftig reiseliv i Det vestindiske hav (feltarbeid på Mauritius, Seychellene, Zanzibar, Madagaskar, Sri Lanka) og i Jordan. Han har også arbeidd med berekraftig transport, fornybar energi, frivillege klimakompensasjonstiltak og turisme og klimaendringar.

Meir om Stefan Gössling: http://www.vestforsk.no/www/show.do?page=8&articleid=1934
Forskingssenter for geoturisme og berekraftig reiseliv

Kontaktpersonar:
Direktør Agnes Landstad

E-post: agnes.landstad@vestforsk.no