Aktuelt-arkiv

  • To kvinner med prøvar av svart biokol i handa

    Vestlandsforsking bidreg i eit prosjekt som kan vere starten på biokol-produksjon i Sogn. Avfallsselskapet SIMAS håpar å spare både kostnader og klimautslepp på å handtere det biologiske avfallet lokalt.

  • Foto

    Kan kultur, handel og reiseliv gje kvarandre eit løft gjennom nytenking og samarbeid? Det er ideen bak eit nystarta forskingsprosjekt i Sunnfjord.

  • Foto

    Vi innbiller oss at alle flyr, men ny forsking viser at biletet er feil. Samtidig står ein elite på 1 prosent for rundt halvparten av dei globale utsleppa frå flyreiser.

  • Foto

    Fleire forskarar frå Vestlandsforsking legg fram forskingsresultat og refleksjonar rundt stadutvikling når Fjordkonferansen går på lufta 12. november 2020. Vestlandsforsking er òg medarrangør av den sju år gamle, regionale konferansen.

  • Foto

    Samuel og Eir-Hild, to 10.-klassingar ved Luster ungdomsskule i Gaupne, var nyleg utplasserte ved Vestlandsforsking og Høgskulen på Vestlandet i tre dagar. Der utførte dei enkle forskingsoppgåver og blei kjende med mange som arbeider med forsking og undervisning.

  • Photo

    I samarbeid med to scenekunstkompani har klimaforskar Ragnhild Freng Dale ved Vestlandsforsking bidrege til å skape ei framsyning om klimaendringar. Denne veka er det premiere, som del av ein festival i Helsinki.

  • Foto

    Rask avdekking av falske nyheiter og hatefulle ytringar på nett er blant det stordataforskarane ved Vestlandsforsking skal forske på i eit nytt, internasjonalt samarbeid med fagmiljø i India, Japan, Kina, Hong Kong og USA. Toppmiljøa i prosjektet skal dele kunnskap og nye metodar med kvarandre og innvie studentar i forskingsfronten.

  • Foto

    Når det skjer noko alvorleg, hastar det å få varsla folk i området. I eit nytt, stort prosjekt bidreg Vestlandsforsking til testing av ny teknologi for befolkningsvarsling. Systemet er utvikla av eit selskap i Nordfjord og tek utgangspunkt i DAB-nettet.
    – Prosjektet knyter saman Vestlandsforsking sine tre hovudområde, seier Anna Maria Urbaniak-Brekke, som koordinerer instituttet sitt bidrag.

  • Foto

    Årets utgåve av konferansen #klimaomstilling vart sendt på nettet 23. september. No kan du sjå opptak av konferansen på klimaomstilling.no. Du kan velje mellom heile opptaket og enkeltforedrag.

  • Foto

    Under konferansen #klimaomstilling2020 viste Noradapt ein ny kortfilm om klimaendringar. «Hvítr» er eit tingingsverk for Noradapt, filma og regissert av Johan Wildhagen. Filmen har eit kunstnerisk uttrykk og kombinerer foto, grafikk og originalskriven musikk av artist Fay Wildhagen. Målet er å la sjåaren dvele ved det gradvise tapet av snø, kulde og vinter, eitt av fleire utslag av klimaendringane i Norge.

  • Foto

    Vestlandsforsking lanserer ein nasjonal studie for å undersøke om prosjektet Jenter og teknologi i regi av NHO bidreg til å rekruttere fleire jenter.

  • Foto

    – Ein heilt annan måte å vere på konferanse på, seier Ida-Beate Mølmesdal om å delta på Klimathon. Klimakoordinatoren i Vestland fylkeskommune held framleis kontakten med gruppa si frå fjorårets konferanse i Bergen.

  • Foto

    Kunne du tenke deg å forske på korleis vi kan løyse globale og lokale klima- og miljøutfordringar? Då kan desse stillingane i Sogndal vere noko for deg. Vi ser etter samfunnsvitarar med bakgrunn innan klima.

  • Foto

    Å legge fram forskinga si med få og enkle ord, er eit ideal på frammarsj i akademia. Under Forskingsdagane skal fleire forskarar frå Vestlandsforsking delta på slike arrangement. Det eine føregår i Sogndal.

  • Foto

    Kva med eit lunsjforedrag eller eit fagleg innslag på personalmøtet? I år låner Vestlandsforsking ut to forskarar under Forskingsdagane. Ta ein kikk på det Kyrre Groven og Gilda Seddighi har å formidle!

  • Illustrasjonsfoto

    Når dataspel blir det viktigaste i ungdommar sitt liv, er mange foreldre usikre på kva dei skal gjere. Problema er særleg store i innvandrarfamiliar. – Foreldra treng meir råd, og helst tidlegare, meiner Gilda Seddighi ved Vestlandsforsking.

  • Foto

    Små bygder på Vestlandet som vanlegvis tek imot cruiseskip, har hatt ein nokså annleis sommar i 2020. Også byar med cruisehamn har vore nesten utan anløp. No ynskjer Vestlandsforsking å finne ut korleis innbyggarane opplevde at cruiseturistane uteblei. Bur du på dei utvalde stadene? Då vil forskarane gjerne høyre ditt syn på saka.

  • Foto

    Korleis cruisenæringa på Vestlandet blir etter korona-pandemien, er blant det Vestlandsforsking skal forske på i haust. Instituttet startar opp tre nye prosjekt om framtida for reiselivet i lys av koronakrisa og klimaendringane.

  • Foto

    Då ordføraren i instituttet sin nye vertskommune kom for å bli betre kjend med Vestlandsforsking, fekk han innblikk i eit 35 år langt samarbeid.

  • Foto

    – Nye kommunar bør vere raskt ute med å utjamne fritidstilbodet til innbyggarane, seier forskar Anna Maria Urbaniak-Brekke. 4. juni la Vestlandsforsking og Telemarksforsking fram funn frå ein ny studie om korleis kultur, idrett og friluftsliv bør organiserast og finansierast i den nye storkommunen.