Klimakrisa vil setje reiselivet på store prøvar i form av kortare skisesong, brear som trekker seg tilbake og flaum og skred som påverkar aktivitetstilbod og framkommelegheit. På ein konferanse 14.-15. november kan du få del i dei nyaste forskingsresultata om korleis klimaendringane er venta å påverke det naturbaserte reiselivet.

Forskingsmiljø på Vestlandet inviterer 16.-17. november til ein to dagars arbeidsverkstad om ein svært aktuell del av tilpassing til klimaendringar: - Naturbaserte løysingar er veldig i tida, også frå myndigheitene, og stadig fleire kommunar skal i gang med det framover, seier Hanna Kvamsås i Norce.

1600 søkte, men berre 200 fekk plass på den høgthengande innovasjonslaben på Grønland i slutten av august. Ein av dei var Tara Botnen Holm ved Vestlandsforsking. – Det vart fem intense dagar, seier forskaren.

Turismen til Svalbard har auka markant dei siste åra, men kva kostar det for klima og miljø? Det har NTNU-student Gina Birkeland Milde frå Høyanger forska på, som del av TourRisk, eit internasjonalt reiselivsprosjekt leia av Vestlandsforsking.

Over to dagar i september inviterer Vestlandsforsking til konferanse om korleis tettstader kan utvikle seg i ei retning som er berekraftig.
– Vi sit på forskingsresultat som mange kommunar kan ha nytte av i samfunnsplanlegginga, seier Kyrre Groven.

Energimarknaden i Europa er i rask endring, og målet er at sol, vind og vatn skal overta hovudrolla innan midten av hundreåret. Med det vil òg risikobiletet endre seg. Ei ny tildeling på 12 millionar kroner gjer at Vestlandsforsking blir blant dei første som forskar på temaet.

Klimaproblema er ganske ulike i Bulgaria og Noreg. Likevel gir det meining å utveksle erfaringar om korleis ein kan løyse dei. I vår har Vestlandsforsking og KS gjennomført to studieturar på Vestlandet med representantar for dei åtte største byane i Bulgaria.

Etter to år med digital utgåve av konferansen #Klimaomstilling, vart det endeleg fysisk konferanse i Sogndal att. Planlegginga har Vestlandsforsking og Noradapt hatt hovudansvaret for. - Eg synst konferansen gjekk strålande. Den vart ei påminning om kor tilfredsstillande det er å samlast i eit rom for å dele kunnskap og diskutere brennaktuelle tema, seier koordinator Tone Rusdal.

Vestlandsforsking har fem ledige stillingar med søknadsfrist på ulike tidspunkt i april. Forskarstillingane er på områda klimaomstilling, reiseliv og stordata. I tillegg kjem ei traineestilling innan stordata.